賭纜的約會16/9

　　阿圖收到一封讀者來信，是笑中有淚。他說自己幾十歲人了，除了正正當當返工賺錢之外，由細到大，沒有意外之橫財，沒有抽獎命，沒有投資命，更肯定沒有投機命，最多或者係猜拳包剪拳，有一半勝算，其餘沒有一樣不是輸的。

　　他小時候，由7、8歲開始，一家人老少一起過新年，用利是錢玩10點半，3公總是輸番俾屋企人，所以不學打麻雀，以為可以輸少一些。簡單的13張，用些腦的鋤大弟，亦都係輸。六合彩很少買，買4注，26字共中3個，而且是分開的。馬仔唔學，或者會輸少些。閒時睇下英超足球，考一下眼光，足智彩，輸7贏3，也是輸多贏少。

　　幾十年前，買了股票「益大」，真的變了牆紙， 跟別人買澳元、新西蘭元，又升值又有利息，他一買，就接棍坐艇兩、三年，搞粥麵店舖，一個月執咗頂出。買樓自住，1992年樓跌價，1997年換樓，做咗樓蟹，2005年10月輸輪，80幾萬。2006年至2007年，係人買股票，都會有斬獲，但他買股票亦係輸。

　　無論他用甚麼入市法，或者買藍籌，都要坐艇或要止蝕。買基金國際，中國一樣坐艇。最近牛證又被斬，日前熊證又被斬，5日後才6折收番錢。賭場呢，最大目標只是平手，從未想過贏大錢。最叻一次，成班同事在雲頂都大勝，他亦小勝2000元。澳門由27歲去拼搏，甚麼計、甚麼賭纜、甚麼明燈、暗燈方法都係他貢獻，十手輸八的居多，連勝兩場的不多，過三關未試過。

　　最近在健身室，碰到一位股場期指投資投機師兄高手，賭場老手，見到他的往績、近績，診斷他為燈，所以約他在10月做燈，賭百家樂，他買500，佢加碼買相反，賭纜「1、3、7」。 包贏，最後即是雙贏。請問各位，他係燈，不必捉路，他輸多，勝不過三，兩個人拍住上，勝算機會是否大些？

　　大家問他，點解可以有咁多錢來輸，他自已無橫財命，但有父母有。他老媽一生都有投資投機命，但佢唔賭。又在澳門每次所輸，由幾百至一萬八，絕不加碼。健身室的師兄，很久才想到他是燈，本想試一試燈，他去了大陸，之後7月暑假，佢要揍仔家庭樂，分不了身，暫定10月試燈。

　　他真係咁黑，大海，3年無過了。最近牛熊即是大細囉，唔信邪，先斬你隻牛才升，過幾日，斬你隻熊之後才跌。甚麼分析都假，肯定富貴無，「敝翳」就有囉。他朋友不多，想到搵他做燈，是最近在健身室吹水的師兄想出來的，佢賭得精，計得準，波、馬、賠率、期指注碼、時機都分析得很好，佢是勝多輸少，信住先。

　　見他股票、波、牛熊甚麼都10連敗，10月大海之行，佢都很審慎。點解，他自己一個人在黑，在不知情況下，佢搵他做燈，肯定無問題，但兩人一起時，他下注心理狀態不同，先求敗，不是求勝，極有可能無心插柳，來個3連勝、5連勝，又如何應付，所以，抵佢搵錢既，事事都預先計劃周詳。