夠晒冰涼薄荷糖

夠晒冰涼薄荷糖 　　百物騰貴，最近不但菜價貴，朋友說「巴塞」對AC一役送贈四蛋，令「塞」價飛升。除了菜貴之外，糖價一樣貴，原來一粒「薄荷糖」，被炒貴到50倍之後，以為會回落一點，豈料上周日方嘉柏製糖廠，通報出最新價格，企硬34倍，真的欲食「薄荷糖」，莫惜腰包錢了。 　　有些馬真係生成冷門命，好似方嘉柏馬房「薄荷糖」，前一仗在谷草一哩，爆出50倍大冷頭馬，上周日就轉場過沙田跑草千六米，依然係34倍冷門，結果這匹馬，再次帶來驚喜，殺退客串一天騎師莫雅座騎「百事神駒」，呢粒「薄荷糖」真係夠晒冰涼。同日方嘉柏以8倍「喜發龍」勝出孖寶。 　　雖然「薄荷糖」近3場兩度爆冷，但阿圖一些都不會覺得意外，事關呢組三班賽的對手各有疑點，但認為呢匹馬最多只係20倍，估唔到最後獨贏有34倍咁好分，所以都有例飛買番的。依家「薄荷糖」比之前放鬆咗，杜利萊可以沿途做好留放之餘，拉士一樣交到唔錯追勁，日後應該可以再跑長一些都冇問題，部署上更有彈性，前景唔太差。 　　其實在今季，方嘉柏一直擔當冷門馬房角色，上次10號馬「薄荷糖」這匹「Keeper」子嗣，在傷癒復出的楊明綸胯下，以50倍掄元，登上今季冷馬榜第七位置。第六名的是廄侶「富逸」，亦是10號馬，由湯智傑策騎52倍勝出。第十位「天賦傳奇」40倍，未能上榜的「飛天神駒」36倍，俱出於方廄。 　　 　　有馬迷朋友指出，大家今季可以長捧方嘉柏的馬，但要10倍獨贏以上的馬才吼，柏寶加方嘉柏組合既馬可飛。不經不覺，今季方仔已贏咗咁多馬，不過呢兩季他的馬，真係好難賭，無得比你估到，你飛佢，佢又跑出來。方祿麟有名「急先鋒」，佢個仔點會無番兩度撒手？ 　　上季他處於回氣期，今季發光發亮了，繼續擅於將下風馬提升狀態。今時今日賽馬，真係跑人先，而唔係跑馬，幾好的馬都無用，騎的那位在想緊甚麼，真係唔知道。方嘉柏今季在19/9夜馬賽事，有條WP大注過關，「富逸」52倍，「銀桂飄香」7倍，過到「自由勝」一度變成大熱門。 　　 　　可惜柏寶搏殺失手輸個馬鼻，否則不得了，通常馬會宣布大注過關，去到尾關個匹馬，一定死火無影，但那一場賽事，柏寶真係想贏，原因是甚麼，大家心裏有數。有人說，柏寶由上季尾到現在，當唔在意時，真係好似變左另一個騎師。 　　 　　講起方柏組合，阿圖記得2010年6月20日那一天，除了是父親節之外，對柏寶及方嘉柏這兩位慈父而言，亦絕對是難忘的一天，事關這對老拍檔不約而同一日6捷，柏寶刷新賽馬職業化以來，騎師一日勝出頭馬最多紀錄，兼且以破紀錄的72分，大熱榮膺騎師王。至於方嘉柏，則平了蘇芬諾夫及張學文所締造的一日6捷紀錄，名留青史。