酒 後 駕 駛 不 算 「 醉 駕 」

正 是 怪 事 年 年 有 ， 今 年 特 別 多 ， 竟 然 連 入 錯 閘 都 夠 膽 死 ， 係 咪 班 大 佬 出 晒 trip ， 就 作 反 ？ 定 係 香 港 畀 人 落 咗 降 頭 ， 由 政 府 揸 fit 嘅 到 海 上 揸 船 嘅 ， 個 個 都 瘟 瘟 燉 燉 。 唔 係 咩 ， 成 村 人 響 閘 前 ， 鞍 上 兩 個 騎 師 、 兩 駒 拉 閘 員 、 正 副 司 閘 ， 六 個 人 12 隻 眼 ， 竟 都 沒 有 察 覺 出 問 題 ， 除 了 「 鬼 掩 眼 」 之 外 ， 實 找 不 到 更 佳 解 釋 。 不 過 最 離 譜 係 ， 發 生 如 此 大 事 ， 跑 完 竟 然 連 研 訊 燈 都 冇 着 ， 就 好 似 無 事 發 生 過 一 樣 ， 慌 死 夜 長 夢 多 咁 ， 匆 匆 派 彩 作 實 。 競 賽 小 組 草 草 了 事 作 風 ， 不 其 然 令 人 聯 想 到 鄰 近 地 區 的 處 事 手 法 ， 例 如 屈 完 你 自 殺 之 後 立 即 幫 你 火 化 遺 體 ， 又 例 如 高 鐵 炒 車 死 傷 無 數 ， 查 都 未 查 清 楚 就 立 刻 清 理 現 場 ， 諸 如 此 類 ， 總 之 就 係 快 快 手 手 冚 住 佢 ， 毀 屍 滅 跡 ， 死 無 對 證 。 不 過 好 可 惜 ， 今 次 入 錯 閘 事 件 有 晒 錄 影 有 晒 紀 錄 ， 你 估 是 是 旦 旦 搞 掂 就 冇 手 尾 跟 咩 ， 老 細 返 嚟 咪 又 要 照 肺 ， 看 來 今 次 可 能 有 人 要 問 責 下 台 。 派 彩 作 實 之 後 ， 兩 位 肇 事 騎 師 一 人 罰 五 千 大 元 ， 然 後 Close File 。 咁 就 想 算 數 ， 唔 係 嘛 ？ 檔 位 ， 絕 對 是 影 響 勝 負 的 重 要 因 素 ， 尤 其 此 場 屬 1200 米 短 途 賽 ， 出 閘 不 久 就 要 轉 彎 ， 影 響 就 更 大 。 以 往 你 拿 着 馬 會 出 版 的 馬 簿 ， 然 後 跟 住 投 注 6 檔 「 恩 格 斯 」 時 ， 你 絕 對 會 相 信 你 買 的 就 是 烙 號 N187 的 「 恩 格 斯 」 ， 並 會 在 6 檔 起 步 ， 你 知 道 就 算 競 賽 小 組 再 廢 ， 正 確 的 馬 和 正 確 的 檔 ， 這 條 底 線 都 能 守 得 住 。 不 過 今 日 ， 竟 連 這 個 都 失 陷 了 。 人 誰 無 過 ， 最 重 要 係 承 擔 ， 唔 好 賴 三 賴 四 ， 錯 要 認 打 要 企 定 ， 若 誠 心 誠 意 ， 亡 羊 補 牢 未 為 晚 也 。 但 馬 會 好 學 唔 學 ， 學 埋 梁 班 子 嗰 種 「 語 言 偽 術 」 衰 嘢 ， 竟 敢 話 兩 隻 馬 雖 然 調 轉 檔 ， 但 在 跑 法 上 各 無 得 益 或 受 害 ， 故 不 能 視 為 「 不 公 平 出 閘 」 。 大 佬 呀 ， 我 隻 6 檔 馬 突 然 排 咗 7 檔 ， 咁 都 話 公 平 ， 你 冇 嘢 吓 話 ？ 當 然 ， 現 在 都 米 已 成 炊 ， 派 彩 作 實 咯 ， 何 況 小 組 又 有 最 終 決 定 權 ， 官 字 兩 個 口 ， 仲 有 咩 好 講 呀 。 但 作 為 一 個 消 費 者 ， 大 可 以 去 消 委 會 投 訴 ， 記 得 當 年 豪 宅 「 天 匯 」 起 得 嗰 33 層 ， 卻 編 到 88 樓 ， 消 委 會 都 有 跟 進 ， 今 次 6 變 7 ， 情 況 應 差 不 多 ， 可 能 會 受 理 都 未 定 。 如 果 嫌 唔 夠 激 ， 可 以 效 法 雷 曼 班 受 害 者 ， 一 於 成 立 「 恩 格 斯 （ 或 善 寶 ） 苦 主 大 聯 盟 」 ， 得 閒 就 去 投 注 站 舉 吓 牌 ， 撒 吓 溪 錢 ， 又 或 者 搞 個 「 佔 領 快 活 谷 運 動 」 ， 誓 要 馬 會 回 水 ！ 不 過 話 說 回 來 ， 今 日 香 港 既 然 可 以 「 板 間 房 不 是 劏 房 」 ， 花 棚 亦 不 是 僭 建 ， 酒 後 駕 駛 不 算 「 醉 駕 」 ， 八 百 尺 樓 只 得 五 百 幾 尺 實 用 ， 明 明 買 五 樓 竟 然 變 咗 地 下 ， 那 麼 你 買 隻 馬 只 係 輕 輕 排 檔 外 一 格 ， 也 算 很 有 良 心 了 。