綠 色 勁Bachelor Duke

第 六 場 告 東 尼 雙 龍 出 海 ， 愛 徒 蔡 明 紹 雖 然 騎 「 快 利 多 」 ， 但 配 巫 斯 義 嘅 初 出 馬 「 綠 色 勁 」 亦 值 得 留 意 。 與 同 主 馬 「 綠 色 威 」 一 樣 ， 「 綠 色 勁 」 亦 係 來 自 新 西 蘭 嘅 五 歲 馬 ， 父 系 Bachelor Duke 係 前 愛 爾 蘭 二 千 堅 尼 大 賽 冠 軍 ， 呢 系 馬 喺 本 港 已 有 「 軒 轅 勇 將 」 、 「 馬 上 得 勝 」 交 出 頭 馬 ， 最 近 「 四 喜 滿 堂 」 、 「 比 你 高 」 亦 開 始 上 名 ， 表 現 漸 入 佳 境 。 母 線 方 面 ， 「 綠 色 勁 」 母 系 Sweet Pearla 係 87 年 悉 尼 金 拖 鞋 大 賽 冠 軍 Marauding 之 女 ， 競 賽 時 曾 贏 過 雅 旺 第 1400 米 賽 事 ， 下 線 家 族 成 員 雖 以 中 短 途 馬 居 多 ， 但 佢 哋 通 常 都 有 一 哩 長 力 ， 兩 屆 冠 軍 一 哩 盟 主 「 步 步 穩 」 亦 係 此 母 線 家 族 成 員 之 一 。 計 血 統 ， 「 綠 色 勁 」 應 係 以 1400 至 1600 米 最 啱 發 揮 嘅 中 短 途 馬 ， 佢 喺 2009 年 新 西 蘭 卡 拉 加 周 歲 拍 賣 會 以 $57,500 紐 元 出 售 ， 身 價 唔 算 貴 。 與 「 綠 色 威 」 一 樣 ， 「 綠 色 勁 」 來 港 前 亦 係 由 練 馬 師 李 察 信 (Graham Richardson) 訓 練 ， 喺 新 西 蘭 四 戰 只 一 勝 ， 紙 上 賽 績 唔 算 標 青 ， 不 過 佢 喺 愛 沙 妮 贏 馬 (1400 米 ) 嗰 仗 姿 態 唔 錯 ， 起 步 後 守 喺 二 叠 第 四 位 ， 緊 咬 住 喺 前 面 領 放 嘅 現 廐 侶 「 美 麗 任 務 」 ， 到 入 直 路 ， 鞍 上 人 田 中 博 康 ( 喺 新 西 蘭 策 騎 嘅 日 本 騎 師 ) 全 力 摧 策 ， 終 點 前 一 步 趕 過 「 美 麗 任 務 」 贏 馬 。 「 美 麗 任 務 」 之 後 喺 當 地 再 出 兩 戰 一 冠 一 亞 ， 「 綠 色 勁 」 呢 場 勝 仗 賽 績 有 水 準 。 「 綠 色 勁 」 今 仗 配 巫 斯 義 並 非 無 因 ， 事 關 「 綠 色 勁 」 贏 「 美 麗 任 務 」 一 役 ， 明 顯 睇 到 匹 馬 由 於 身 型 龐 大 關 係 ， 要 借 助 鞍 上 人 平 衡 功 夫 及 騎 技 至 可 以 令 佢 盡 快 變 速 ， 蔡 明 紹 騎 技 雖 已 大 有 進 步 ， 但 處 理 呢 類 馬 ， 巫 斯 義 經 驗 當 然 豐 富 得 多 。 另 外 ， 「 綠 色 勁 」 賽 前 除 咗 試 過 兩 課 大 閘 外 ， 埋 門 更 拍 「 好 好 機 會 」 彈 泥 閘 ， 備 戰 積 極 。 「 綠 色 」 系 馬 投 東 廐 後 尚 未 交 代 ， 告 東 尼 一 定 唔 會 留 手 ， 初 出 值 得 留 意 。