賽前備案的冷馬

賽前備案的冷馬 賭運亨通 阿圖 27/11/2013 上周澳門賽事，爆出113倍的大冷門「太陽歡騰」，真的是石破天驚了。無獨有偶，香港方面，周三晚第五場，賽果一樣出人意表，一向靠快放食胡的「小林夜雨」，突然改變戰略，出閘留至幾近包尾，到落山處方加速上前搶頭，結果就此直領到底，爆出58倍冷W。 練馬師沈集成賽後表示，「小林夜雨」狀態甚佳，不過在最近近幾仗，放至末段都潰不成軍，但賽後檢查，卻未能發現身體上，有任何毛病，故他便推斷，是馬匹的心態出了問題。是戰他賽前向小組備案，指示蔡明紹留前鬥後，到對面直路，才伺機發力上前，結果變招果然奏效。 前周日策騎「加州萬里」，失落馬會盃的蔡明紹，是夜快活谷一吐烏氣，憑「小林夜雨」爆大冷贏馬，繼而再替「帝聖駿駒」，完成連捷任務，替師傅告東尼建功，兼捧走匯豐百週年紀念碗，包辦第五口孖寶。此駒上仗贏馬有點驚喜，今仗檔位改善，賽前信心很大，最終連捷兼捧盃。 評馬人梁定華說，他不喜歡寫馬後炮，其中一項原因，是因為每一場馬的形勢都不同，今天寫完叫馬迷留意，跟住再出之時，卻發覺形勢不利，又唔貼，咁算係點呢？他不敢貼死火馬，怕俾人鬧，如上周三晚上第五場，他已經避開唔賭，因為賽前他看不出，一堆實力馬中，那一匹可以秤先，結果真是爆出大冷門。 那匹勝出的「小林夜雨」，叫他再計算多幾次，他都係貼唔中，同樣地跑第二的「繽繽紛紛」，呂健威贏個孖寶，都仲有20倍，都係斷估居多，自己都解釋唔到點解「黃金宅男」、「火龍寶」和「多多利」等，會跑得咁差，他在賽前已指出，第一場「嘉駿之威」有不妥之處，但臨場仍然係3.4倍大熱門。 他不是神仙，只不過是累積些少的練馬經驗，講俾大家聽，各位賭WP，必須揀一些排檔較好的，騎師是次要，因為始終是跑馬，優勝劣敗是自然定率，而排位就是利用環境，去壓抑馬匹質素，騎師只是幫助馬匹發揮其本能，做到的騎師，是犯錯少，或無犯錯一位，越茅躉的騎師，越係好騎師。 選冷門位置，或連贏配搭，排最外檔的後上馬，就最理想，當晚第八場他也貼唔中，他貼的「戶外名駒」，只跑梗頸四，但點解他唔貼匹大部份馬評家，都爭住貼的1.9倍「喜多盈」呢？原因是「喜多盈」上仗在第三班79分贏馬後，升上二班同長期二班躉的「戶外名駒」跑，很蝕底的。 上次「戶外名駒」，在117場只輸給「安賞」一馬位半，之後「安賞」有幾高，大家都知，雖然現在贏馬的是「卓爾非凡」，但上場牠亦是以91分身份輕鬆贏馬，今場再贏即升第一班。試問「喜多盈」憑什麼去撼一批1、2班馬呢？要消化由60分，升至目前87分的累積增幅，不是咁容易的。可惜「小林夜雨」的賽前備案，馬迷是賽後才知道，這是關鍵所在。