大摩泥地出擊訊號

　　大摩泥地出擊訊號 　　今季香港10大冷馬排行榜出現變動，大摩「馬龍王子」27倍贏馬，進佔第十位置，與第九位同是27倍「福到威威」分列榜末，將24倍「寶中寶」擯出榜外。亦是大摩及郭能唯一上榜馬匹。21倍「新力飛」及相同賠率「包裝選擇」，是馬房另外兩匹20倍以上冷門頭馬。 　　在上周賽事之前，大摩今季只有一匹「恩格斯」贏過泥地，然而此廄馬初跑泥地，卻是信心的保證。上季新西蘭PPG「馬龍王子」，是午初戰泥地，成為27倍冷門，結果後上一攻而破，順利開齋，情況一如「恩格斯」上月中首次跑泥即贏，大摩果然係玩泥沙高手。 　　近兩季賽績顯示，摩廄馬除非不跑，否則首戰泥地，匹匹都能取勝或入Q。上季有「軍事行動」、「讚惑」及「活力至寶」初跑泥地即贏，今季再有「恩格斯」及「驪龍」首次跑泥地，分別勝出及入Q，而是午的「馬龍王子」及「小宇宙」，亦先後初跑泥地即勝及跑第二。 　　合計上季至今，摩廄馬初次跑泥地，共獲五冠三亞佳績。以後凡見摩廄馬，突然轉戰泥地，都可視為出擊訊號，值得優先捧場。回說「馬龍王子」及「小宇宙」這對生力軍，前駒今次原本可跑新馬錦標，惟大摩匠心獨運，部署這匹3歲馬，出戰第七場四班泥地短途，果然順利得手。 　　阿圖認為，這場頭馬他絕對居功至偉，至於「小宇宙」雖然後上不及屈居亞軍，但臨門幾乎追過泥地專家「開心指數」，卻屬高水準賽績，4歲當起分子，無形中在泥地多了一條新出路，亦不失為美事。大摩泥地出擊訊號，在此表露無遺。 　　素來擅於計數嘅大摩，同時幫N布質新馬「馬龍王子」報跑新馬錦標，以及四班泥地1200米，鑑於跑新馬錦標蝕磅太多，佢就決定捨難取易揀跑初跑泥地，結果奇招得手，順利打開勝門，兼爆出27倍冷W，殺低埋隻泥地專家「勁飛馳」，認真犀利。 　　大摩賽後就講番，話最初諗住幫「馬龍王子」報新馬錦標，以為當時未必有咩對手，但當報名一出見到評88分的「歡樂時光」殺到，就決定放棄，轉揀泥地搏殺，佢話知道隻馬泥地性能唔差，但係抽排11檔，就即刻冇晒信心，好彩今鋪郭能跑得好好，同埋轉用交叉鼻箍，又幫到隻馬穩定走勢。 　　馬匹陣上冇咁急之餘，拉士又有追勁，演出令佢好滿意。同時大摩覺得「馬龍王子」可以跑長一些，但依家仲有點稚嫩，所以佢就唔會心急，等隻馬慢慢成長先再部署。不過，大摩泥地出擊訊號，部署恆久不變，卻值得大家在2013年繼續留意。