禦寒沖多幾次涼

陳勇透露，自己本來都相當怕凍，以前冬天要着好多衫，但後來有位中醫教佢「多浴少衣」，即係寧願沖多幾次涼，都唔好着咁多衫，否則成日焗住啲皮膚，反而減低身體自行調節溫度嘅功能，因此佢平日除非晏咗起身，否則盡量都會早晚各沖一次涼。 陳勇又教長者每朝起身後，用手指輕按頭皮扮梳頭，話呢個動作可以增進腦部血液循環，令到個人成日都暖笠笠。佢又建議長者把握冬天有陽光嘅機會，多啲出去散步，以及喺正餐之外食多啲餅乾同麵包等零食，增加熱能吸收，咁就可以減少凍親嘅機會喇。